Quapropter et Marcus, interpres et sectator Petri, initium Evangelicae conscriptionis fecit sic: Initium Evangelii Iesu Christi Filii Dei, quemadmodum scriptum est in (OM) prophetis: Ecce mitto angelum meum ante faciem tuam qui praeparabit viam tuam. Vox clamantis in deserto: Parate viam Domini, rectas facite semitas ante Deum nostrum, manifeste initium Evangelii esse dicens sanctorum prophetarum voces, et eum quem ipsi Dominum et Deum confessi sunt hunc Patrem Domini nostri Iesu Christi praemonstrans.

scriptum CV; dictum AQSε; praeparabit: praeparavit CA;